حمادة صميدة يشكو من قلة أعماله الفنية: بموت لأني مركون على الرف.. والنقابة: ليس عضوا
أعرب الفنان حمادة صميدة، عن حزنه الشديد بسبب ابتعاده عن الأعمال الفنية خلال الفترة الماضية، موضحا أن ذلك الأمر تسبب له في حالة نفسية سيئة من الممكن أن تتسب في وفاته.
وكتب حمادة صميدة عبر حسابة الرسمي بـ موقع التواصل الاجتماعي فيسبوك قائلًا: أنا والله حبيت أفضفض معاكم وأعرفكم عن تجارب أنا حاليا عايشها لأني حرفيا بموت وبقيت مركون في رف من أرفف دولابي، والله أنا بحاول أتكلم بس مش عاوز أشيل الناس همي والناس تقول ده بيشتكي والله بقالي كتير عاوز أتكلم وافضفض بس خايف يقولوا ده بيشتكي ويفهموني غلط وأزعل حد مني رغم أني بحب كل الناس.
وأضاف: مش عاوز حد يزعل مني وبحب الخير لكل الناس قبل مني وركنتي اللي بقالها كام سنة منسية، وحسيت إني هقدم وهتنسي أكتر منا منسي، أنا نفسيا مدمر أقسم بالله، ولكن الحمد لله يمكن ده اختبار من ربنا لكن ربنا يعلم إني معاه جدا، أنا الحمد لله اتغيرت عن الأول لكن للأسف بقيت من كتر الوحدة بقيت أحس إني خلاص هموت والله، نفسيا تعبان جدًا وخايف أتكلم وأقول إني محدش بقي بيرد عليا زي الأول، وإني اتركنت من ناس كتير في الشغلانة مش عارف هما نسيوني ولا إيه؟
وتابع: أنا بسعي والله وعشان أوصل لـ اللوكيشن بقيت أكلم عامل بوفيه أو عامل إضاءة أو مساعد ممثل، أنا والله اللي ف داخلي لا يتشاف ولا يتحكي الحمد لله، أنا كتبت البوست ده ذكرى لأني عارف أني ممكن بكره مبقاش معاكم في الدنيا ف حبيت أعرفكم إن ده السبب للي أنا فيه والحمد لله.
وفي السياق ذاته تواصل القاهرة 24، مع أحد أعضاء نقابة المهن التمثيلية، وقال، إن الأخير ليس عضوًا في النقابة، لذلك لا يقدم له أعمال فنية.
