منة عدلي القيعي: بعتز بـ أغنية أنا من غيرك.. وقدمتها لخطيبي
تحدثت الشاعرة الغنائية منة عدلي القيعي، عن أغنية أنا من غيرك لـ الفنان بهاء سلطان، والتي حققت نجاحًا كبيرًا منذ طرحها كالأغنية الدعائية لـ فيلم الهوى سلطان بطولة منة شلبي وأحمد داود.
وقالت منة عدلي القيعي، في لقائها مع القاهرة 24: بعتز بـ أغنية الهوى سلطان جدًا وربنا وفقنا، والفيلم كان حلو أوي إحنا شفناه وكان تحدي مش سهل لأننا كنا عارفين أن الفيلم هينجح والناس هتحبه، فكان لازم نعمل أغنية تكون على نفس مستوى الفيلم.
وأضافت منة عدلي القيعي: وأنا بألف أغنية بكون بفكر في الفيلم في المقام الأول وفي الشخصيات، ولكن لازم ألاقي نقطة التقاء بينها وبيني علشان يكون في مصداقية، علشان كده الناس بتحس بالأغاني بتاعتي، وأنا لسه مخطوبة قريب وعزيز الشافعي زعقلي وقالي اكتبي كلمة لـ يوسف خطيبي، والأغنية ليوسف في الأساس.
بهاء سلطان أنا من غيرك
وأغنية أنا من غيرك هي غناء بهاء سلطان كلمات منة القيعي، ألحان عزيز الشافعي وتوزيع نادر حمدي، وتنص كلامتها على: أنا من غيرك بتوه توهان، أنا من غيرك مليش عنوان، ياترى أنت زيي كمان، زيي كمان مشتاق لزمان، قعدة عاديه ومكالمة بتسأل فيها عليا، في العربية واقفين والدنيا معدية نرغي شوية نضحك نسمع كام أغنية.
فيلم الهوى سلطان
وعُرض مؤخرًا فيلم الهوى سلطان، وحقق نجاحًا كبيرًا منذ بداية عرضه في السينمات، والفيلم من بطولة منة شلبي، أحمد داود، أحمد خالد صالح، جيهان الشماشرجي، سوسن بدر، خالد كمال، فدوى عابد، نورين أبو سعدة، عماد رشاد، وتأليف وإخراج هبة يسري، ومن إنتاج شركة سي سينما برودكشنز، لـ هاني نجيب وأحمد فهمي.
