زينة عن ولادتها في الغربة: كنت لوحدي وولادي كانوا تعبانين أوي.. كانوا فاكريني مجنونة
كشفت الفنانة زينة كواليس ولادتها في ولاية كليفورنيا، مؤكدة أنها أصعب مراحل حياتها، إذ إنها كانت بمفردها أثناء ولادتها لـ أولادها الذي أصيبوا بـ كثير من الأمراض منذ بداية ولادتهم.
قالت زينة خلال لقائها مع ABtalks: أنا شفت حاجة مفيش بني آدمين يقدروا يتجاوزوها، مرحلة أنك تولد لوحدك في الغربة، وولادي كمان أتولدوا عيانين أوي، كانوا بيكتفوني عشان يغيرولي على الجرح، عشان كل يوم بنكتشف مرض جديد ليهم، كنت عاوزة أشبع منهم على قد ما أقدر عشان لو جرالهم حاجة.
وأضافت زينة: كانوا في المستشفى بيفتكروني مش طبيعية، وجابولي شيخ ودكتورة هندية، كنت بكلمها هي الوحيدة بالعربي عشان كنت بطمنلها وكانت حنينة عليا وهي مكنتش بتتكلم عربي، جابولي مترجمة وعرفتني أن أنا زينة الممثلة وقالتلي أنهم عاوزين ياخدوا عيالي، وكانت بتقولهم في المستشفى أني ممثلة مشهورة في مصر ومكنوش مصدقين.
زينة وطريقة تربيتها لـ أولادها
في سياق آخر، تحدثت زينة عن أسلوبها مع أولادها، قائلة: المرحلة الللي أنا فيها دي هي أصعب مرحلة في حياتي، بسبب ولادي كل مرحلة من مراحلهم بحس أنها صعبة ومش عاوزة تعدي، وطول الوقت خايفة، وكمان أنا معنديش الإيمان اللي كان عند أهالينا أنهم مطمنين، وبحس أن أنا كنز مع ولادي، وبهزر معاهم كأني واحد صاحبهم، معتقدش أن في حد زيي أنا كمان بخليهم يحترموني في نفس الوقت.
