بعد تعليق ناهد السباعي.. حورية فرغلي: مكنش قصدها دي بنت ناس
ردت الفنانة حورية فرغلي على الفنانة ناهد السباعي، بعد توضيح موقفها من ملابسات فيديو ظهرت فيه وهي ترفض مصافحتها الأمر، الذي وضع الأخيرة في موقف محرج.
حورية فرغلي: مكنش قصدها دي بنت ناس
وتحدثت حورية فرغلي في تصريحاتها لـ القاهرة 24،: كنت أول مره أقابلها وكنت عاوزة أبوسها، ولكن في ناس مش بتحب تقرب من حد عشان الكورونا، وأعرف مين يقصد ومين لا؟ لكن دي بنت ناس مكنش قصدها.
وفي سياق آخر، كتبت ناهد السباعي عبر حسابها بموقع إنستجرام: الموضوع كبر أوي، لكن أنا فاهمة تأثير أفعالي وعايزة أوضح الوضع المنتشر حاليًا، أنا باحترم كل زملائي في الصناعة وعمري ما أتسبب في أي إساءة عمدًا، وحابة أوضح سوء الفهم لأنه أنا متفاجئة من ردود الأفعال وواصلت ناهد السباعي: بالنسبة للموضوع اللي حصل، أنا ما سلمتش لأنها كانت وسط مقابلة والكاميرا شغالة، وما حبتش أقطعها، كان رد فعل تلقائي وعشان كده قررت أكتب رد عام عشان الكل يفهم الموقف، بعدين، إحنا سلمنا على بعض على المسرح.
أعمال حورية فرغلي
وفي وقت سابق، كشفت حورية فرغلي، تفاصيل أحدث أعمالها، خلال لقائها مع القاهرة 24 قائلة: أنا لو جالي حاجة حلوة وعايزنّي فيها أكيد هعملها، ولكن لو مجاليش حاجة هقعد في البيت، ولكن متعرضش عليا حاجة تخليني أوافق، عندي مسلسل 15 حلقة، وعندي فيلم فاضله يوم وينتهي تصويره، ولسه مش عارفة إمتى هيتم عرضهم.
