سالي عبد السلام: مش بعتبر نفسي من بتوع إيجيبت.. وبتكلم عربي كويس
كشفت الإعلامية سالي عبد السلام عن بعض المعايير التي تحرص عليها في برنامجها، مشيرة إلى أنها تسعى دائمًا إلى تقديم رسالة تنفع بها الناس.
وقالت سالي عبد السلام خلال لقائها مع القاهرة 24: أحرص على تقديم رسالة لـ الجمهور، وأنا داخله الحلقة بقول دعاء اللهم أنفع بنا الناس، وأحرص على دعاء اللهم أدخلني مدخل صدق وأخرجني مخرج صدق، وربنا العالم بكل كلمة بطلعها.
سالي عبد السلام: مش بعتبر نفسي من بتوع إيجيبت
وأضافت: أنا بنت بلد أوي، ومش بعتبر نفسي من بتوع إيجيب، بالرغم من إني كنت في مدارس إنترناشونال وبتكلم عربي كويس، مش زي الدخلاء علينا.
وسبق وأعلنت سالي عبد السلام عن إجهاض توأمها، وكتبت عبر حسابها على انستجرام: قدر الله وما شاء فعل، من كام يوم، وده بعد سنتين انتظار.. التؤام اللي كان نفسي فيهم أوي يا رب، سنتين صبر، وأنا الحمد لله كان اختباري في الصبر وبس مش أكتر، وكنت طلباها تيجي من عند ربنا ومن غير تدخل دكاترة.
وتحدثت سالي عبد السلام لـ القاهرة 24 قائلة: الحمد لله أنا راضية، ولقيت حب كبير من الجمهور، وناس كتير اطمنت عليا والحمد لله راضية بقضاء ربنا.
