طالبة امتياز تمريض تزعم اعتداء أهالي مريضة عليها بمستشفى المطرية: شوهوا وشي أنا وزميلتي وبيحاولوا معايا عشان أتنازل
زعمت طالبة امتياز بكلية التمريض الاعتداء عليها وعلى زميلتها في مستشفى المطرية التعليمي، من قبل أهل مريضة بسبب رفضها انتظار دورها للخضوع لجلسة بخار.
طالبة امتياز تمريض تزعم اعتداء بعض الأفراد عليها داخل مستشفى المطرية
وفي فيديو عبر حسابها الشخصي بـ تيك توك، قالت طالبة امتياز التمريض، دينا فرج: كنت بشتغل في مستشفى المطرية التعليمي في الاستقبال والطوارئ، وفي يوم كان عندنا ضغط شغل، وكان فيه مريضة مكتوب لها تعمل جلسة بخار، وزميلتي قالت لها استني أخلص الحالة اللي معايا وهعملك جلسة البخار، لكن المريضة قالت لها سيبي اللي في إيدك واعمليلي الجلسة دلوقتي، وكلمتها بأسلوب غير لائق، لكن زميلتي مردتش عليها.
وتابعت: بعدها اقتحمت غرفة المستشفى، ومعاها بنت تانية في حدود 16 سنة، واعتدوا على زميلتي الممرضة ومسكتها من رقبتها، وعورتها في وشها، وأنا حاولت أدافع عنها، فلقيت بنت تانية اعتدت عليها، وعوروني في وشي جامد، وجسمي كان كله كدمات أنا وزميلتي، وبعد كده رحنا النقطة والحمد لله اتقبض عليهم والنقطة اتحفظت عليهم.
وأكملت: الموقف اللي حصلي أثر على نفسيتي جامد، ومش عاوزة أنزل المستشفى، ومش عاوز أكمل الدراسة والامتياز، وأهالي البنات دول بيحاولوا معايا عشان أتنازل عن المحضر، وخايفة أنزل من البيت أهالي البنات يعملوا فيا حاجة عشان أتنازل.
