شريف منير: بزعل من الهجوم على بنتي أسما.. ومتشبهتش بالرجال لما قصت شعرها
أعرب الفنان شريف منير، عن استيائه بسبب تعرض ابنته أسما للهجوم عبر مواقع التواصل الاجتماعي، قائلًا: أنا وأسما دايمًا بنهبش في بعض وناقر ونقير وببقى خايف عليها وبختلف معاها في حاجات، ولكن بزعل لما بتتهاجم في السوشيال ميديا، يوم ما قصت شعرها أو لما حضرت مهرجان الدراما، ما هي عايزة تشوف الدنيا.
وعن رد فعله بعد حلق شعرها، أضاف شريف منير، في لقائه مع الإعلامية إسعاد يونس، في برنامجها صاحبة السعادة: قلتلها شكلك حلو، والموضوع مكنش داخل فيه تشبه بالرجال ولكن هي كان عندها مشاكل في شعرها وكان لازم تقصه، الناس بقى قاعدة مستنية أي حاجة علشان تهبش، أنت مش عارف الظروف وأنت مليان عيوب وبتخبط في اللي حواليك، مش يمكن في سبب؟ أو حالة نفسية؟.
وواصل: لومتها أنها عملت كده قدام الكاميرا، قلتلها كنتي عملتي كده بينك وبين نفسك مش قدام الكاميرا مالهاش لازمة.
شريف منير
يذكر أن شريف منير شارك في الموسم الرمضاني الماضي من خلال مسلسل وبقينا اتنين، تأليف أماني التونسي وإخراج طارق رفعت وشارك في العمل كل من رانيا يوسف، عمرو وهبة، تامر فرج، مروة عبدالمنعم وآخرين.
