المتهم بقتل شاب بالاشتراك مع نجله بالفيوم: بنتي كلمتني تستغيث إنه كان فوق سطح بيتها بيسرق│تحقيقات
كشفت تحقيقات واقعة مقتل شخص على يد أب وابنه بالفيوم تفاصيل جديدة، في القضية التي حملت رقم 5224 لسنة 2024 إداري إطسا.
تفاصيل مقتل شاب على يد أب وابنه بالفيوم
واوجهت جهات التحقيق المتهم بالاشتراك مع نجله بقتل المجني عليه عمدا مع سبق الإصرار، بأن كال له ضربات باستخدام أداة "عصا"، وأحدث ما به من إصابات أودت بحياته، فأجاب: محصلش أنا قتلته لكن أنا ضربته بعصا شوم بس.
وتايع المتهم: المجنى عليه يبقى بلدياتي ودماغه مش مضبوطة وكل اللي حصل إن بنتي رنت عليا وكنت قاعد مع ابني قبل الفجر حوالي الساعة 4 الصبح.. وقالت إن فيه حد فوق السطح بتاع البيت بتاع جوزها ولأن جوزها مسافر وقالتلي تعالى بسرعة.. وأنا ماشي في الشارع قدام بيتها لقيته نازل يجرى جرينا وراه وضربناه وأخدناه على تروسيكل وكان فايق وده كل اللي حصل والموضوع حصل في الشارع.
وذكر المتهم: ضربته لمدة خمس دقايق ومش فاكر كام ضربة بعصاية خشب والناس وقتها كانت لسة بتصحى ومكانش فيه حد معدي ومكنتش أعرف إنه موجود غير لما بنتي رنت استنجدت بيا.
