رامي صبري: فخور بتعاوني مع تامر حسني.. ونفسي أقدم ديو مع شيرين عبد الوهاب وأنغام
أعرب الفنان رامي صبري عن سعادته بتقديم ديو غنائي مع الفنان تامر حسني، مشيرًا إلى أن يتمنى التعاون في ديو مع عدد من نجوم الفن.
وقال رامي صبري في تصريحات تليفزيونية: بتشرف وفخور إني بقدم أغنية ديو مع تامر حسني هتكون مختلفة والناس هتحبها، وإن شاء الله هتنزل يوم الاتنين المقبل.
رامي صبري: نفسي أعمل ديو مع شيرين عبد الوهاب وأنغام
وعن النجوم الذين يتمنى التعاون معهم في ديو غنائي، أضاف رامي صبري: نفسي أعمل ديو مع شيرين عبد الوهاب وأنغام وإليسا ونانسي عجرم.
وفي سياق مختلف، سبق ورد رامي صبري على موقفه من تشبيهه بـ الهضبة عمرو دياب، مؤكدًا أن الأخير ينتمي إلى جيل آخر غير جيله.
وقال في تصريحات إذاعية: أول ما اشتغلت قعدت فترة أسمع ده بيقلد عمرو دياب، ده عاوز مش عارف إيه، وأنا كنت أسمع من بعيد وأضايق من التشبيه، هما بيعملوا كده ليه؟، هو أنا فعلًا بقلده؟، هو أنا شبهه؟، يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة.
وأضاف رامي صبري: فضلت طول أول 5 سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده، لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي.
