بـ ستايل من الستينيات.. شاب يتجول في وسط البلد ويثير دهشة المارة: هدفي الترويج للسياحة
تصدر فيديو لـ شاب يًدعى أحمد دياب، تريند مواقع التواصل الاجتماعي خلال الساعات الماضية، بعد تجوله في شوارع وسط البلد بملابس تعود لفترة السيتينات، مما اثار حالة من الدهشة بين المارة.
شاب يتجول في وسط البلد ويثير دهشة المارة
وقال أحمد دياب في تصريحات خاصة للقاهرة 24: فكرة ارتداء ملابس ومظهر السيتنيات، هدفها الترويج لمصر والسياحة، وبسبب حبي للزمن القديم، سواء في اللبس أو الأغاني، لجأت لطريقة للحفاظ على تراث وهوية مصر، حتى في تفاصيل بسيطة مثل اللبس، واختياري لـ وسط البلد لأنها مكان يعبر عننا كـ مصريين، والهدف الأساسي الترويج لتفاصيل مصر المميزة.
وأضاف: بسبب حبي لفترة الزمن الجميل، ده لبسي من زمان أوي مع أني مواليد 1997، بس الفترة دي بالنسبة لي مميزة في كل حاجة، وطبعًا الملابس دي مش منتشرة خالص، تكاد تكون مش موجود نهائي بس بدور عليها وبلف كتير عشان اوصلها، وأحيانًا بفصل الملابس دي ونفسي ثقافة النوستالجيا، تنتشر لأنها بتعزز طبيعة مصر وبتعبر عنها وكمان ترويج مهم للسياحة، وكل حاجة زمان كانت شيك، وفيها احترام وحاسس إني بنتمي للزمن ده، والاستايل ده صدقت نفسي فيه.
واختتم: ردود فعل الناس لما شافوني باللبس ده فاجئتني جدًا، فيه منهم استغربوا أوي، وفيه قالولي حلو جدا وشكله مميز ويا ريت تكمل كده، وفي نفس الوقت فيه ناس كتير هاجموني وسمعت جمل زي: هو لسه فيه حد بيلبس كده ؟! ونظرات الناس بين اعجاب واستغراب واشمئزاز، أو حتى انبهار.
