مايا الشربيني: حركة ركوع الرجل على ركبته علشان يتقدم للبنت تسيء لصورة الرجل
كشفت الإعلامية مايا الشربيني عن رأيها في بعض الظواهر الجديدة المستحدثة على مجتمعنا المصري، خاصة فيما يتعلق بتقدم الرجل لخطبة فتاة.
مايا الشربيني: حركة ركوع الرجل على ركبته علشان يتقدم للبنت تسيء لصورة الرجل
وقالت مايا الشربيني مقدمة برنامج ساعة زمن، المذاع على قناة TEN: حركة ركوع الرجل على ركبته علشان يتقدم للبنت تسيء لصورة الرجل لأن هيبته شيء أساسي في مجتمعنا، وهي حركة دخيلة على مجتمعنا وليس لها علاقة بالحب، كما أن الموضوع ده بقى موضة اليومين دول، خاصة مع الشباب اللي بيتابعوا الأفلام الأجنبية وبيقلدوا العادات الغربية، بس الحقيقة إن الحركة دي مش بس بعيدة عن تقاليدنا، ده كمان ممكن تسيء لصورة الرجل في مجتمعاتنا اللي بتشوف إن هيبة الرجل جزء أساسي من شخصيته، الحب والاهتمام ليهم طرق كتير ممكن يعبر بيها الراجل، بس الركوع ده مش منهم عندنا.
وأضافت مايا: هيبة الرجل جزء أساسي من شخصيته في مجتمعنا، والحب والاهتمام مش لازم يكونوا بحركات مستوردة من ثقافات غربية زي الأفلام الأجنبية. في طرق كتير ممكن يعبر بها الرجل عن مشاعره من غير ما يتخلى عن احترامه لنفسه وثقافته.
وأوضحت مايا أن التقليد الأعمى للعادات الغربية أصبح ظاهرة واضحة بين الشباب في الفترة الأخيرة، محذرة من أن مثل هذه الممارسات قد تضعف ارتباط الجيل الجديد بجذوره الثقافية.
وأكدت الإعلامية: الحب مش بالحركات دي والتعبير عن الحب لا يحتاج إلى حركات استعراضية مثل الركوع، مشددة على أهمية إيجاد طرق تعبر عن المشاعر بصدق دون الإضرار بصورة الرجل أو مخالفته لثقافته.
