بعد الغناء بالتركي.. نيقولا معوض يكشف تفاصيل مشاركته في فيلم روسي
كشف الفنان اللبناني نيقولا معوض، تفاصيل مشاركته في فيلم روسي، وذلك بعد غنائه مؤخرًا باللغة التركية، بجانب كشفه سبب عدم متابعة ابنته لـ أعماله الفنية.
وقال نيقولا معوض، في لقائه مع برنامج ET بالعربي: صورت فيلم روسي بلعب فيه شخصية شاب سوري بيدرس روسي وبيتكلم روسي، حبيت التجربة دي لأني اتعلمت لغة مكنتش بتكلمها، و80% من مشاهدي بالروسي وكل فريق العمل روسي.
أما عن غنائه باللغة التركية، فعلق نيقولا معوض: أنا بحب اللغات من وأنا صغير وسهل عليا أتعلم لغات، ودي حاجة بتفيدني كممثل.
نيقولا معوض: بنتي مبتشوفش أعمالي
كما كشف نيقولا معوضه، سبب عدم سماحه لـ ابنته بمتابعة أعماله الفنية، قائلًا: مبنخليهاش تشوف حاجة أكبر من عمرها، يعني هي مشافتش الكليب بتاعي ومراتي قالت مش حلو أن بنتي تشوفني مع واحدة تانية لأننا مش عارفين ده ممكن يأثر إزاي على طفلة عمرها سنتين ونص، وإحنا حريصين في اللي مسموح تشوفه لأن دلوقتي بقينا في عالم مفتوح لكل الناس، وبحس أني لازم أحمي بنتي من العالم على قد ما أقدر.
وتابع: الناس بتحبها ولكني الفترة دي مبنزلش صور ليها لأني بفكر كتير إذا كانت بنتي تبقى تحت الأضواء ولا لأ، لأن إحنا أوقات كتير مبنحبش نبقى تحت الأضواء، دلوقتي بقينا حريصين أننا مننزلش صور ليها.
