عامل بإعلام جنوب الوادي بعد تريند حلوى الطلاب: اللي عملوه كان كتير عليا| بث مباشر
أعرب عامل كلية الإعلام بجامعة جنوب الوادي، عن سعادته بعد تنفيذ طلاب الكلية تريند الحلوى معه، عرفانًا وتقديرًا منهم لدوره المهم داخل الكلية.
جمال عامل كلية الإعلام: اللي عملوه كان كتير عليا
وقال جمال عامل كلية الإعلام، إنه تفاجأ بتدشين طلبة كلية الإعلام تريند المعلمين معه، وإعطائه كميات من الحلوى تعبيرًا له عن حبهم، موضحًا أنه تجمعه علاقة محبة بجميع الطلاب، قائلًا: أنا بحب الطلبة والطلبة بيحبوني، والتريند كان مفاجأة ليا.
وأكد جمال، أن الطالب أحمد حسن، رئيس اتحاد الطلبة بالكلية، طلب مني أن يصور مقطع فيديو تريند معه دون أخباره بأي تفاصيل أخرى، لافتًا إلى أنه ذهب معه بالفعل وتفاجأ بردة فعل الطلاب بإعطائه الحلوى، قائلًا: رئيس اتحاد الطلبة جه قالي تعالي يا عم جمال عايزين نصوَّر معاك تريند روحت معاه، وطلعوا كانوا عاملينلي مفاجأة.
وأوضح جمال عامل كلية الإعلام، أنه يعتبر جميع طلاب الكلية كأبنائه ويتعامل معهم بود وحب، موضحًا أن الطلاب قرروا رد الجميل له بطريقتهم الخاصة، قائلًا: بعامل الطلبة كلهم زي أولادي وهما كانوا عايزين يردولي الجميل، وحسن المعاملة؛ لأن في بعض الطلبة لما بيكونوا محتاجين حاجة من الدكاترة ومحرجين بتوسطلهم وأروح أتكلم مع الدكاترة بالنيابة عنهم.
وأضاف جمال، أن هذه هي المرة الأولى منذ عمله في كلية الإعلام منذ عام 2014، يتعرض لمثل هذا الموقف لاحتفال الطلاب به، قائلًا: لما شوفت الفيديو فرحت جدا، واللي عملوه الطلبة معايا كتير على اللي بعمله معاهم، وفخور باللي عملوه معايا وبتمنالهم التوفيق والنجاح.
