شريف إسماعيل: أغاني المهرجانات صحية جدًا.. ولازم يكون عندنا تنوع موسيقي
كشف الفنان شريف إسماعيل رأيه في أغاني المهرجانات، موضحًا أنها صحية جدًا حتى يكون هناك تنوع كبير في الموسيقى والغناء.
وتحدث شريف إسماعيل خلال لقائه مع القاهرة 24، عن رأيه في أغاني المهرجانات قائلًا: المهرجانات حاجة صحية جدًا، وأي زمن ليه أنواع موسيقية كتيرة، وإنه يكون فيه ألوان موسيقية كتير دي حاجة صحية جدًا، وهو لون موسيقي ممكن ناس تتقبله وناس لأ، وأنا بشوفها حاجة كويسة وصحية.
وأعرب الفنان شريف إسماعيل عن سعادته بنجاح أغنية كتبوا كتابك يا نقاوة عيني، حتى بعد مرور 8 سنوات على طرحها، مشيرًا إلى أنه غاب خلال الفترة الماضية بسبب نجاح الأغنية.
وأضاف في تصريحاته لـ القاهرة 24: غبت عن الساحة الفنية، والأغنية فضلت عايشة مع الناس، ودي أحلى حاجة في الدنيا، وإحساس لا يوصف والناس بتقابلني في الشارع يقولولي الأغنية بتاعتك رقصنا عليها في فرحنا وغنتها مع زوجتي.
أعمال شريف إسماعيل
ويتعاون الفنان شريف إسماعيل في ديو غنائي مع الفنان وائل الفشني، وذلك بأغنية فاكرها سايبة.
وتحدث شريف إسماعيل عن تلك الأغنية قائلًا: هي مختلفة لأنها باللون الشعبي وده لون جديد على وائل وحبينا نقدمه بشكل غير المعتاد وده اللي حصل في أغنية فاكرها سايبه، وتجربة مبسوط بيها أوي وبتشرف بيها.
