المنتج هشام سليمان: طول عمري نفسي أعمل حاجة مع فريق تصوير أجنبي علشان نتكلم عن مصر وحلاوتها
كشف المنتج هشام سليمان، عن كواليس تصويره فيلم تسجيلي عن الأهرامات قدمه اليوتيوبر مستر بيست، والذي تخطت نسبة مشاهدته 12 مليون في أقل من 4 ساعات فقط.
ونشر المنتج هشام سليمان بعض الصور التي جمعته مع مستر بيست من أمام الأهرامات على حسابه الخاص بـ فيسبوك وقال: طول عمري كان نفسي أعمل حاجة مع فريق تصوير أجنبي علشان نتكلم عن مصر وجمالها، ونقول لكل العالم إن مصر مكان تصوير مفيش زيه، وأخيرًا حصل! مع فيلم برودكشنز، شركتي مع عبقري الإنتاج في مصر روماني حلمي والشاب الرائع رامي روماني.
وأضاف: ليه بقول كل ده؟ علشان لما اليوتيوبر العالمي مستر بيست حب يصور في مصر، كان لينا الحظ إننا نكون معاه، اتفرجوا واستمتعوا ازاي الراجل بيتكلم عن الأهرامات بحب وشغف وانبهار، افتحوا الفيديو كل ساعة وشوفوا كام واحد بيتفرج على مصر وجمالها، وأنا بكتب الفيديو ده، وصل عدد المشاهدات 4 ملايين، وهيزيدوا كل ساعة.
وتابع: يا رب يكون الفيديو ده بداية خير علينا جميعًا وفتحة خير على مصر عشان تبقى أكبر مكان تصوير في العالم.
