أحد جيران سفاح المعمورة: كان ملتزم وعاقل واتصدمت لما عرفت اللي حصل | بث مباشر
كشف شعبان طلبة، أحد جيران سفاح المعمورة في محافظة كفر الشيخ، تفاصيل من حياته بعد اتهامه بقتل 3 أشخاص ودفنهم داخل شقق سكنية في منطقتي العصافرة والمعمورة.
أحد جيران سفاح المعمورة: كان متربي وسطنا وعايش طول عمره في حاله
وقال أحد جيران سفاح المعمورة: المتهم كان مولود ومتربي هنا في كفر الشيخ.. وأهله كانوا ناس كويسين وعايشين في حالهم وهو كان من أحلى إخواته.. من صغره وهو عايش في حاله ومن وقت ما عرفت اللي حصل وأنا مصدوم.
وأضاف أنه فوجئ عند تداول صورة سفاح المعمورة عبر مختلف مواقع التواصل الاجتماعي، واتهامه في جرائم قتل 3 أشخاص ودفنهم داخل شقق سكنية في محافظة الإسكندرية.
وتابع: اللي أعرفه عنه إنه كان شخص كويس وطول عمره عايش في حاله وكان طالب مجتهد وملتزم بالصلاة في المساجد.. وكنت بلاحظ عليه إنه شخص عاقل ومتزن عشان كده اتصدمت لما عرفت اللي بيتقال عليه.
وفي ذات السياق، قال أحد أصدقاء سفاح المعمورة إنه قضى فترة طفولته معه وله العديد من الذكريات معه، لافتًا إلى أنه لا يستطيع أن يستوعب ما حدث.
وواصل: كان طول عمره حنين وطيب وكنا بنلعب مع بعض وإحنا صغيرين.. أنا مش قادر أصدق لحد دلوقتي اللي بيتقال عنه لأن مش هو ده اللي أنا متربي معاه ومعاشره.
