مش مصدق اللي عمله.. صديق طفولة سفاح المعمورة: مكنش إنطوائي وكان بيبعد عن أي مشاكل| بث مباشر
تحدث أحد أصدقاء طفولة سفاح المعمورة، المتهم بإنهاء حياة 3 أشخاص ودفنهم داخل شقق سكنية في مناطق متفرقة بمحافظة الإسكندرية، عن تفاصيل من ذكرياته معه وعلاقته به منذ طفولتهما.
صديق طفولة سفاح المعمورة: كان طيب وعايش في حاله
وقال صديق سفاح المعمورة إنه لا يستطيع حتى الآن أن يصدق ما فعله المتهم، إذ إن شخصيته طوال حياته كانت عكس تمامًا ما فعله من جرائم.
وتابع: اتربيت معاه من صغرنا وكنا بنروح المدرسة مع بعض.. مش قادر أصدق الكلام اللي بيتقال عنه لحد دلوقتي.. حنية وطيبة الدنيا كلها كانت فيه وطول عمره كان عايش في حاله.. أنا مش قادر أقتنع إنه سفاح وقاتل لأن مش ده اللي أنا أعرفه.
وأضاف صديق سفاح المعمورة أنه عاشر المتهم لسنوات طويلة وبينهم العديد من المواقف، حيث كان يذهب معه للمدرسة وقضى أوقاتًا طويلة معه.
وواصل: كان أطيب إخواته ومكنش إنطوائي زي ما الناس بتقول.. من زمان وهو بيبعد عن أي حاجة فيها مشاكل.. مكنش بيرضى يصطاد معانا عصافير بالنبلة وكان بيقول حرام نموتهم.. مش هقدر أقول إنه عمل كده عشان الفلوس لأنه ميسور الحال.
وأوضح صديق سفاح المعمورة أنه التقى آخر مرة بالمتهم منذ نحو عامين، عندما جاء إلى محافظة كفر الشيخ حيث مسقط رأسه من أجل زيارة شقيقته، قائلًا: آخر مرة قابلته كان من سنتين وكان هو هو اللي أنا أعرفه وهو صغير.. سألته عن أحواله قالي إنه كويس وحالته المادية بقت ميسورة.
