تاجر دواجن ينهي حياة آخر بالقليوبية.. وشاهدة عيان: ضربه بخرطوش عشان عمل تخفيضات على الفراخ| بث مباشر

شهدت قرية كفر الجزار، التابعة لمركز بنها في محافظة القليوبية، واقعة صادمة، حيث لقي تاجر دواجن مصرعه على يد صديقه الذي أنهى حياته بسبب تخفيضه أسعار الفراخ وإقبال الزبائن على الشراء منه.

تاجر دواجن ينهي حياة آخر في القليوبية 

وقالت إحدى شهود العيان إن تفاصيل الواقعة تعود عندما افتتح تاجر الدواجن الضحية المحل الخاص به منذ يومين فقط، وبهذه المناسبة أجرى تخفيضات على أسعار الفراخ.

وتابعت: تاجر الدواجن المتهم كان بيتخانق مع صاحبه عشان نزل في أسعار الفراخ.. التاجر الضحية كان لسه فاتح محل الفراخ بتاعه جديد من يومين.. وكان عامل تخفيضات على أسعار الفراخ وقال خلي الغلابة تاكل.

وأضافت أن التاجر المتهم شعر بالغضب تجاه المجني عليه، لأنه كان يبيع الدواجن بأسعار أقل منه، رغم أن فرق السعر يقدر بـ 4 جنيهات فقط.

واختتمت: المتهم اتخانق معاه وقاله بيع بنفس الأسعار بتاعتنا ولو هتنزل السعر أقفل المحل وامشي.. وجه النهاردة الصبح حدف طوب على محل الضحية.. اتخانقوا مع بعض وفجأة المتهم خلص على الضحية بعيار خرطوش.. والقتيل كان بيفرفر برجله ومات على طول في نفس اللحظة.