بعد قرار الإعدام.. المتهمون بقتل جارهم بكفر الشيخ خلال التحقيقات: الخلاف كان على شجرة جوافة| بث مباشر

شهدت محافظة كفر الشيخ واقعة مقتل شخص على يد جاره بمعاونة أربعة من أبنائه، بسبب قيامه بزراعة شجرة جوافة على قبر والده، وقضت محكمة جنايات فوه بمحافظة كفر الشيخ بالإعدام شنقًا لأربعة أشقاء متهمين في القضية، وإسقاط الدعوى الجنائية عن والدهم لوفاته داخل محبسه.

وحصل القاهرة 24 على صورة التحقيقات، حيث اعترف المتهم الأول والذي توفي داخل محبسه بعد 9 أيام من تنفيذ الجريمة، عقب مروره بوعكة صحية نُقل على إثرها إلى المستشفى وتوفي بعدها.

وقال المتهم خلال التحقيقات: أيوه، أنا كنت أنا وأبوه صحاب من زمان، وهو في سن أولادي، وكان فيه خلافات بينا من بعد ما مات أبوه السنة دي، الخلافات دي كانت على إنه بيزرع شجرة في أرضه جنب التربة بتاعتي، ومش سايب ملكية بزراعة الشجرة دي، وحررنا محاضر، وكان بيحصل بعدها مشادات في الكلام كده، لكن الأهالي كانت بتحوش بينا، ومحدش فينا ضرب التاني قبل كده.

وتابع: أنا كنت برش الأرض بتاعتي أنا وعيالي إبراهيم ووليد وحسان، لقيت "م. م" و"م. ش" المتوفى جايين عليَّ وبيقول لي "مترشش الأرض"، قلت له: لا، إحنا ما ضيَّعنا على وصولات أمانة عشان قاعدة عرفية يوم الجمعة، والناس اللي كانت حاضرة قالوا لي "رش الأرض"، ومحمد ساعتها زعق وقال لي: "لا مش هترش الأرض".

وأضاف: وليد ابني ساعتها قال له: "عليَّ الطلاق هارش الأرضي النهاردة"، وبدأت العركة ساعتها، هما الاتنين، المتوفى وآخر، رجعوا لحد الورشة، جابوا سكاكين وعصيان، وكان معاهم 4 كمان عليهم.

واستكمل: نزلوا على ولادي بالضرب، وأحدهم ضرب ابني بالخنصر في صدره فوقع في الأرز. وساعتها كان محمد شتا فوق إبراهيم ابني، ووليد ابني أخذ عصاية من التي كانت مع أحد منهم وضرب "م. م" على يده فوقع منه الخنصر.