صغير: لما إحنا أقدارنا مكتوبة ازاي الدعاء يغير القدر؟.. علي جمعة: الدعاء يغير القضاء المعلق فقط
أجاب الدكتور علي جمعة، عضو هيئة كبار العلماء، على سؤال طفل نصه: لما أحنا أقدارنا مكتوبة إزاي الدعاء يغير القدر؟.
صغير: لما إحنا أقدارنا مكتوبة ازاي الدعاء يغير القدر؟.. علي جمعة: الدعاء يغير القضاء المعلق فقط
وقال علي جمعة عبر برنامجه نور الدين والدنيا: أيوة، في اللي المكتوب ده هنتخيل إنه مكتوب بالحبر الأسود مثلا، ففي أجزاء منه مكتوبة بالحبر الأحمر، ولما الملايكة تيجي وتطلع على الكتاب اللي مكتوب بالحبر الأسود تلاقيه كله أسود لأنه لا يعلم اللي مكتوب بالحبر الأحمر إلا الله، محدش أبدا من الكائنات لا الملائكة ولا الجن ولا البشر ولا أي حاجة، فلما تيجي تقرأ الكتاب واضح كله باللون الأسود، الله وحده هو الذي يعلم اللي باللون الأحمر، واللي باللون الأسود بنسميه القضاء المبرم، يعني مش هيتغير أبدا لكن الأحمر ممكن يتغير فلو أن أنا دعيت وجه على اللون الأحمر ممكن ربنا يغيره فعنده أم الكتاب، يثبت ويفعل ما يشاء، لكن لو كان في اللون الأسود لا ميتغيرش، لا بالدعاء ولا بغير الدعاء.
وتابع: يبقى نقدر نقول إن القضاء نوعين، قضاء مبرم لا يتغير، وقضاء معلق يتغير من دعائك.
فيما، أجاب الدكتور علي جمعة، عضو هيئة كبار العلماء، على سؤال طفلة نصه: ليه ربنا سايبنا نعمل حاجات غلط وبعدين هيحاسبنا علىها؟.
وقال علي جمعة عبر برنامجه نور الدين والدنيا: لأنه أعطانا اختيار، وربنا خلقنا وأعطانا العقل وأعطانا الاختيار وأعطانا برنامج عن طريق التكليف عن طريق القرآن وعن طريق الأنبياء، افعل ولا تفعل، أوعى تسرق، أوعى تقتل، أوعى تكذب، اللي بنسميها المحرمات، صلي صوم حج زكي ودي اللي بنسميها الأوامر.
وتابع: أيضا رسم لنا الخريطة، افعل هذا ولا تفعل هذا وأعطانا عقل وأعطانا اختيار فأنا بحريتي أصلي أو مصليش وكلنا شايفين كده، أنا عايز أصلي ولا ما أصليش، أزكي ولا ما أزكيش، فربنا سبحانه وتعالى ترك لنا الاختيار ومن أجل هذا سيحاسبنا، فيأتي يوم القيامة يوم الحساب ويقول لي أمرتك أن تعين الفقراء وتخرج الزكاة فلماذا لم تفعل هذا الحساب فماذا أقول؟.
