تأكيدًا لـ القاهرة 24.. إبراهيم شيكا ضيفا على برنامج محمد رمضان
حل لاعب الزمالك السابق إبراهيم شيكا ضيفا على الفنان محمد رمضان في برنامج مدفع رمضان، وخلال الحلقة حرص الفنان على دعم شيكا، وذلك عبر تقنية الفيديو، كما قدم له هدية خاصة أهدتها له الشركة المتحدة.
وقال رمضان خلال حلقة مدفع رمضان: النهاردة في واحد من عائلتنا المصرية متعنا كتير في الملاعب المصرية وبيمر بأزمة صحية.. وإن شاء الله يتخطاها بدعمنا وإرادته.
إبراهيم شيكا ضيف محمد رمضان في برنامج مدفع رمضان
ليرد عليه إبراهيم شيكا: دعوات الناس هي اللي موقفاني على رجلي لحد دلوقتي.. ومستحمل عشانهم الوجع محدش يتخطاه بس الحمد لله والشكر لله.
كما طلب رمضان من شيكا أن يتقابلا حيث قال: هنفطر مع بعض أمتى.. هجيلك في الوقت اللي ينفع أجيلك فيه، ليرد شيكا: أنا موجود طول الوقت في المستشفى مستني نمبر وان يبقى موجود وأخف ونمشي مع بعض.
أما عن هدية رمضان لـ شيكا، فقال الفنان: في هدية بسيطة من الشركة المتحدة لـ إبراهيم شيكا... مش هنقول إيه.. حاجة بسيطة خالص وأقل واجب من أهلك وأهم حاجة قوتك، ليرد عليه شيكا: ثقة في الله هخف.
وفي سياق آخر، كانت هبة التركي زوجة لاعب الزمالك السابق كشفت تفاصيل حالته الصحية، قائلة: أول يوم رمضان ما قضيناهوش في بيتنا، تعب جامد وحس إنه مش شايف بعينه، وروحنا المستشفى واتحجزت بيه في الرعاية المركزة، ادعوله ربنا يشفيه ويعفي عنه. زوجي أنهى جلسات العلاج الكيماوي وبعدها تعرض لانسداد في الأمعاء.. إبراهيم لم يتناول الطعام منذ أيام، وخسر 7 كيلو مؤخرًا.
