بشير التابعي: زيزو مطلبش 100 مليون جنيه لتجديد عقده.. ومجلس حسين لبيب فاشل
تحدث بشير التابعي لاعب فريق كرة القدم الأول بنادي الزمالك السابق، عن شائعات طلب أحمد سيد زيزو لاعب الزمالك 100 مليون جنيه للبقاء في النادي.
تصريحات بشير التابعي
وقال بشير التابعي خلال تصريحات تليفزيونية: أنا بقول من ضمن المشروع بتاعه عشان الناس تبقى مؤيدة ليه أن يضمن لهم أنه يفضل قاعد، وهو مش عايز يمشي، وزيزو من أول ما لعب في الزمالك محدش سمع له مشكلة، محدش يسمع إنه طلب 100 مليون ومش هيتكسف أنه يقول كده، ومجلس الإدارة عمال يسرب تصريحات لأبو زيزو أنه طلب 100 مليون.
وأردف بشير التابعي: آخر 3 سنين كان اللعيب الوحيد المستوى ثابت وجاله عروض كتيرة من أندية الخليج، هو كان هيعدي أساطير كتير في النادي ف سلموه للجمهور يطلعوه مسرح، شبع تشريح ومحدش طلع رد، مجلس الزمالك يمضي مع لعيب فاشل وبعدها بنص ساعة.
كما رد بشير التابعي على سؤال هل شيكابالا لسه عنده حاجة يقدمها للزمالك؟، قائلا: كفاية اسم شيكابالا مش عارف الناس حطاه في دماغهم ليه.
وتحدث بشير التابعي عن مجلس إدارة الزمالك، وقال: مجلس حسين لبيب فاشل، وده اللي في قلبي بقوله، قولي مفشلش في إيه مافيش حاجة مفشلش فيها، في عقود بـ700 مليون جنيه للاعيبة ومحدش بيلعب.
