انتصار عن مشاركتها في مسلسل إش إش: الرقاصات بيعيشوا معاناة ومهنتهم مؤذية.. وظهوري من غير مكياج جرأة
تحدثت الفنانة انتصار، عن مشاركتها في مسلسل إش إش، بطولة الفنانة مي عمر، بجانب حديثها عن ظهورها دون مكياج وبشعرها الحقيقي دون باروكة في مسلسلي إش إش، و80 باكو، اللذين تم عرضهما ضمن السباق الرمضاني الجاري 2025، وحققا نجاحًا كبيرًا منذ عرض أولى حلقاتهما.
انتصار عن مشاركتها في مسلسل إش إش: الرقاصات بيعيشوا معاناة ومهنتهم مؤذية.. وظهوري من غير مكياج جرأة
وقالت انتصار في في برنامج تفاعلكم: إحنا واخدين وجهة نظر عن الرقاصات أنهم الوقت لابسين بدلة الرقص وبيرقصوا ليل نهار، الرقاصات بني آدمين عندهم مشاكلهم، وفي رقاصات درجة ثالثة في VIP زي الدكتور الشاطر ودكتور تاني لأ، هما عايشين معاناة غير عادية لأنها مهنة صعبة ومؤذية.
وعن ظهورها بدوم مكياج في أعمالها الفنية، فعلقت انتصار: اللي أنا بعمله ده أنا مستغرباه، دي جرأة زيادة ولازم اللي يعمل كده يكون عنده ثقة بالنفس أنه مش فارق معاه وينسى نفسه ويحط نفسه في الشخصية، أنا لما بتفرج على نفسي بتخض، أنا بحب شغلي أكتر من نفسي.
كما علقت انتصار، على جرأة الألفاظ في مسلسل 80 باكو، قائلة: المسلسل كان واقعي أوي علشان كده نجح، وإحنا كنا في حيرة إذا كان ننقل الواقع اللي بيحصل بالظبط وبيتقال فيه أكتر من اللي ظهر، وبين أننا نلم الدنيا علشان هيتعرض في التلفزيون، ولكن النص الحقيقي كان في ألفاظ أكتر من اللي اتعرضت في المسلسل.
