20 شخصًا يعتدون على فتاة بالطالبية.. والضحية: ضربوني أنا ووالدي وكسروا علينا باب العمارة| بث مباشر

شهدت منطقة الطالبية التابعة لمحافظة الجيزة، واقعة صادمة ومؤسفة، حيث تعدى 20 شخصًا بالضرب في نهار رمضان على فتاة تدعى نور، بسبب نشوب مشاجرة بين طالبات في المرحلة الإعدادية.

20 شخص يعتدون على فتاة في الطالبية

وقالت نور إن تفاصيل الواقعة تعود عندما كانت في طريقها إلى منزلها، وفوجئت بتجمع عدد كبير من المارة أسفل العقار الذي تقيم به وكانوا يتشاجرون سويًا ويتلفظون بألفاظ غير لائقة.

وتابعت: كنت داخلة بقرب على البيت فجأة لقيت واحد من الناس دول بيجري عليا ومسكني من هدومي وشتمني، وعلى طول اتصلت بوالدي وأنا بعيط وبصرخ وأول ما نزل جريت عليه، وكان بيحاول يقفل الباب علينا بس الناس منعوه وكسروه وأنا كل ده مش فاهمة إيه الل بيحصل.

وأضافت نور أن والدة إحدى الطالبات حرضتهم من أجل الاعتداء عليها وتجريدها من ملابسها، قائلة: الناس بقوا بيجروا عليا وبيشدوني من هدومي، وأخويا كان بيحاول يطلعهم برا ويقفل الباب وأنا كل ده عمالة أصرخ من الخوف لأني مش فاهمة حاجة.

وأوضحت أنها لجأت إلى مصعد العقار للاحتماء به وعلى الفور قام أحد الجيران بسحبها لإبعادها عن هذه المشاجرة، معلقة: حد من الجيران سحبني بالأسانسير بعد ما الناس ضربوني، وبعدين لما طلعت ضربوا بابا.

واستكملت: كل اللي حصل ده عشان فيه بنت صغيرة ضربت أخويا وعورته في عينه، وفي الآخر اتبلت على أخويا إن هو اللي ضربها وجمعت أهلها كلهم وجم عشان يضربوني أنا وأهلي.