الحاج عبد العزيز الفائز بجائزة "جهاز عروسة" من برنامج مدفع رمضان: شال عني حِمل كبير.. ومصدقتش أما كلموني | بث مباشر
عبر الحاج عبد العزيز ابن محافظة المنوفية، الفائز بجائزة محمد رمضان في برنامج مدفع رمضان، عن سعادته الكبيرة بسبب فوزه بجهاز عروسة.
وقال الحاج رمضان إنه كان في محافظة القاهرة لزيارة مريض وفوجئ بعربة برنامج مدفع رمضان، قائلًا: لقيت ناس كتير ملمومة حول العربية فخدت ورقة وكتبت حلمي ومتوقعتش إني كسبت.
الحاج عبد العزيز الفائز بجائزة “جهاز عروسة” من برنامج مدفع رمضان
وأضاف الحاج رمضان: لما البرنامج اتصلوا عليا ظنيت في البداية إنها اشتغالات ومصدقتش إلا أما قالي اللي كتبته في الورقة، وروحت استلمت جهاز بنتي كامل وجابوهولي لحد البيت.
وأردف الفائز ببرنامج مدفع رمضان: كنت شايل حمل جهاز بنتي والحمد لله ربنا كرمنا، وكنت بفكر أعمل جمعيات علشان أجهز بنتي لكن الحمد لله محمد رمضان شال ضغط كبير من عليا.
واختتم الحاج رمضان: بنتي دعاء راحت معانا واختارت الجهاز بنفسها وكل اللي كانت بتطلبه وبتشاور عليه كانوا بيجيبوه لها.. وتكلفة الجهاز تقريبا 185 ألف جنيه.
