انتصار تكشف رأيها في عمليات تجميل الأسنان: مش متخيلة أبرد أسناني
أعربت الفنانة انتصار عن تحفظها تجاه بعض إجراءات تجميل الأسنان الحديثة، مشيرة إلى أنها لا تتخيل فكرة تبريد أسنانها بالكامل، وتحويلها إلى دعامات لتركيب بدائل.
وقالت انتصار، خلال لقائها في برنامج نجوم رمضان أقربلك، عبر إذاعة نجوم إف إم: مش متخيلة إني ممكن أبرد أسناني وتبقى كلها دبابيس علشان أركب حاجة.
وأوضحت انتصار: عندي أمل إن العلم يتقدم ويبقى فيه حاجة شبه المينا الطبيعية، وما تاكلش من السنان، أو حتى ليزر، أو تقنية تزرع الأسنان من الأول.
وأضافت انتصار: المحشي ده نشيله ونطلع ضرس تاني، لكن العلم اللي شغال دلوقتي مش ممكن أخضع ليه.
أعمال انتصار
وفي سياق آخر، سبق وعلقت انتصار، على جرأة الألفاظ في مسلسل 80 باكو، الذي شاركت فيه ضمن السباق الرمضاني 2025.
وخلال لقائها في برنامج تفاعلكم قالت انتصار: المسلسل كان واقعي أوي علشان كده نجح، وإحنا كنا في حيرة إذا كان ننقل الواقع اللي بيحصل بالضبط وبيتقال فيه أكتر من اللي ظهر، وبين أننا نلم الدنيا علشان هيتعرض في التليفزيون، ولكن النص الحقيقي كان في ألفاظ أكتر من اللي اتعرضت في المسلسل.
مسلسل 80 باكو
وتناول مسلسل 80 باكو قصة بوسي، مصففة الشعر الموهوبة التي تمر بضائقة مالية، ويتوجب عليها توفير مبلغ 80 ألف جنيه لإتمام زواجها، حينها تقرر صاحبة الصالون مساعدتها لتعمل مصففة خاصة تزور العميلات في منازلهن، حيث تنفتح على عالم آخر لم تشهده من قبل، بينما يحاول خطيبها مساعدتها على إكمال المبلغ المطلوب.
