المخرج محمد دياب يعتذر لـ هشام ماجد بعد تصريح كان ولا حاجة قبل أشغال شقة: محاولة بائسة أكون كوميديان
اعتذر المخرج محمد دياب، للفنان هشام ماجد، بعد تصريحه الأخير (كان ولا حاجة قبل أشغال شقة)، مؤكدًا أنه تجمعه علاقة صداقة أخوية كبيرة به.
وأضح دياب، في فيديو عبر حسابه الشخصي على فيسبوك، أنها كانت محاولة منه للحديث بشكل كوميدي.
وتابع: أنا وهشام إخوات وعلاقتنا قوية أوي وبنهرج تهريج رخم عادي، بس أنا في محاولة بائسة أكون كوميديان هرجت التهريج ده قدام الكاميرات والناس زعلت، ولما فكرت فيها لاقيت أنا إزاي أقول كده قدام الكاميرا؟.
وتابع محمد دياب: في ونفس الوقت اتبسط لأن هشام ده أخويا وإن الناس بتحبه بالشكل ده، هشام ممثل وإنسان عظيم التهريج كلام ملوش علاقة بالواقع، ده نجم بقاله 15 سنة، أشغال شقة كان هيكون له طعم من غير هشام؟.
هشام ماجد ومحمد دياب
وتسببت تصريحات المخرج محمد دياب في حالة من الجدل على السوشيال ميديا خلال الساعات الماضية، إذ قال مازحًا في تصريحات تليفزيونية: هشام ماجد كان ولا حاجة قبل أشغال شقة، خالد دياب أخويا اللي رفعه ده كان تحت.
مسلسل أشغال شقة
ويُعد مسلسل أشغال شقة 2، استكمالًا للجزء الأول الذي حقق نجاحًا جماهيريًا، حيث يدور في إطار كوميدي اجتماعي حول حياة زوجين يواجهان تحديات يومية بعد الزواج.
