داس بنزين وقالي مش هنزلك.. فتاة تزعم مشاجرتها مع سائق إحدى شركات النقل الذكي
تفحص الجهات المعنية فيديو لفتاة تزعم فيه مشاجرتها مع سائق أتوبيس تابع لإحدى شركات النقل الذكي.
فتاة تزعم مشاجرتها مع سائق إحدى شركات النقل الذكي
وزعمت الفتاة في فيديو نشرته على حسابها الشخصي على تيك توك: أنها معتادة على طلب سيارة لتوصيلها إلى محل عملها بشكل مستمر ولكنها في تلك المرة كانت أول تجربة لها في استقلال أتوبيس.
وواصلت: ركبت في الكرسي الأمامي بجوار السائق، قفل الشبابيك كلها، ولما اتخنقت فتحت الشباك اللي جنبي اتعصب عليا وقالي اقفليه أنا تعبان فذوقيا قفلت الشباك، وهو فضل يتكلم معايا بقلة ذوق.
وأضافت: جه قبل نقطة وصولي وقالي انزلي هنا، قولت له أنا لسه قدام شوية، قالي انزلي هنا وحلف لو منزلتش مش هيقف تاني، وداس بنزين وجري وعدى مكان نزولي بقيت ازعق وأقوله نزلني هنا وهو مش عايز يقف، أنا اترعبت وقولت له لو منزلتنيش أنا هرمي نفسي وفتحت الباب، وقولت له أنا هعمل محضر فيك فشتمني، مكنتش أعرف أصلا إن فيه بنات ورا غير لما نزلت والبنات اترعبت هي كمان.
