محمد سامي: بفكر أسامح عفاف شعيب وآخدها ونروح ناكل بيتزا وريش
رد المخرج محمد سامي لأول مرة على قضيته الشهيرة مع الفنانة عفاف شعيب، والتي كانت حكمت فيها المحكمة حكما نهائيا بتأييد رفض دعوى تعويض عفاف شعيب ضده.
محمد سامي: بفكر أسامح عفاف شعيب وآخدها ونروح ناكل بيتزا وريش
ونشر محمد سامي بوست على حسابه الخاص فيسبوك قائلًا: مدام عفاف شعيب بقالها سنتين بترفع عليا قضايا وبتخسرها، والنهاردة كانت آخر قضية وبرضه خسرتها، معرفش ليه هى مصره تقاضينى بدون وجه حق وتقول إنى سبتها وغلطت فيها فى أحد البرامج التيلفزيونية وده محصلش، والمحاكم حكمت إنه محصلش وبأحكام نهائي،ة والمحاكم سببت أحكامها بأنه لم يحدث مني تجاهها أي تجاوز أو إساءة، وكل الأحكام الصادرة من المحاكم الجنائية والمدنية كانت لصالحي في كل الدرجات.
وأضاف: الحلقة اللى هى ادعت إني سبتها فيها موجودة أون لاين، وأي حد يقدر يشوفها، أنا مستحيل أتجاوز في حق ست في سن أمي أو أكبر، وكمان فنانة كبيرة وليها تاريخها، أنا أول مرة أقول تصريح بخصوص الموضوع ده؛ لأني انتظرت لما الفنانة تخسر القضايا بكل درجاتها زي ماحصل وبعدين أتكلم، ودلوقتي بناقش أنا والمستشار القانوني الأستاذ شعبان سعيد المحامي، المفروض نعمل إيه الفترة دي بعد سنتين من التجاوز في حقي والإساءة لشخصي، إما إننا نبدأ نتخذ إجراءات قانونية ضدها بالتعويض على التشهير وإفساد السمعة، أو إننا نقول عفا الله عما سلف والست والمحامي بتاعها دلوقتي فيهم اللي مكفيهم، والمفروض نكبر دماغنا ومانزودش عليهم الهم ونسامحهم، وناخدهم ونتعشى مع بعض برة ونعزمهم على ريش وبيتزا.
