بدون مفتاح أو رخص.. أول تعليق لمصور فيديو الدراجة النارية: طلعت مسروقة وصاحبها كلمني
تصدر مقطع فيديو على تيك توك تريند مواقع التواصل الاجتماعي، إذ صوره مندوب شحن يوثق سرقة شخص دراجة نارية، حيث ظهر في مقطع الفيديو المتداول شخص بحوزته دراجة نارية بدون مفتاح، وقال مندوب الشحن خلال تصوير الفيديو: “يا جماعة الراجل دا كان ماشي على الطريق وأنا قلتله هصورك عشان لو الموتوسيكل ده مسروق”.
وبعد الانتشار الكبير للفيديو وتصدره التريند، تواصل القاهرة 24 مع أحمد الجبالي مصور الفيديو، لكشف تفاصيله، والذي فجر عن مفاجأة.
وقال أحمد الجبالي، في تصريحات خاصة لـ القاهرو 24: أنا مندوب شحن كنت ماشي على طريق القطامية بزهراء المعادي، ولقيت واحد ماشي بدراجة نارية وعطلت بيه، وقفت عشان أساعده ومكانتش عايزة تدور، ولقيتها من غير مفتاح، سألته فين مفتاحها قالي مع ابن خالته، قلتله طيب فين الرخص قالي مش معايا حاجة ليها، وقفت أصوره عشان شكيت إن الموتوسيكل مسروق.
وأضاف أحمد الجبالي: نشرت الفيديو على السوشيال ميديا، وفجأة تحول لتريند، وكل هدفي من نشر الفيديو كان فعل الخير، لأني خفت تكون الدراجة النارية مسروقة وصاحبها بيدور عليها، فقلت للراجل أنا هصورك عشان لو المكنة دي مش بتاعتك، لكن لو بتاعتك بقى عادي مش هيحصلك حاجة.
وتابع: كلام الرجل متناقض وكان خايف، وبالفعل بعد نشر الفيديو تواصل معايا شخص من منطقة شبرا الخمية، سألني عن مكان الدراجة النارية لأنها بتاعته ومسروقه من فترة.
