أحمد عيد: مليش دعوة بصراع المنافسة.. وبعدي عن الكوميدي لأن ده المتاح والواحد بيكبر
تحدث الفنان أحمد عيد عن المنافسة الرمضانية، وعن ابتعاده عن الأدوار الكوميدية واتجاهها للدراما والتراجيدي والشر، موضحًا أن الفئة العمرية تضعه في دائرة التغيير.
وقال أحمد عيد في لقائه مع القاهرة 24: أنا مليش دعوة بموضوع المنافسة ده خالص ولا بتنافس مع حد، مليش دعوة بالصراع ده، أنا برا الموضوع ده، وأنا مش بعيد ولا حاجة لما هيجي حاجة كوميدي هعملها، وكان عندي فيلم الشيطان شاطر صورت منه جزء كبير ده فيلم كوميدي.
وأضاف أحمد عيد: مسألة إني ممكن أكون متواجد في أدوار بعيد شوية عن الكوميدي دي الحياة وده المتاح حاليًا، والممثل بيكبر مع الوقت أنا واحد في الخمسينات دلوقتي، والواحد في الخمسينات شكله وملامحه واهتمامته بتتغير، والواحد عليه يتماشى مع الظروف ويطوع شكله وتركيبته أنه يعمل شخصيات مختلفة، بالعكس دي حاجة كويسة جدًا ومبسوط بيها.
أما عن نقلته بين الكوميدي والدراما، فأعرب أحمد عيد، عن سعادته الكبيرة بتقبل الجمهور له في اللونين، قائلًا: نقلتي بين الكوميدي والدراما ممكن تكون جت معايا بالحظ.
أعمال أحمد عيد
ويشارك الفنان أحمد عيد في السباق الرمضاني المقبل 2026، من خلال مسلسل أولاد الراعي، والعمل من بطولة الفنان ماجد المصري، خالد الصاوي، أحمد عيد، إيهاب فهمي، نيرمين الفقي، إيمان يوسف، وأمل بشوشة.
