مخرج شاطر.. غادة عبد الرازق تعلق على إمكانية تعاونها من جديد مع محمد سامي
تحدثت الفنانة غادة عبد الرازق، عن إمكانية تعاونها مع المخرج محمد سامي من جديد، بعد الأزمات التي حدثت بينهما في الماضي.
وقالت غادة عبد الرازق، في تصريحات تليفزيونية: دي حاجة في علم الغيب وبتاعة ربنا، لو ربنا كاتبلنا أننا نتقابل تاني ونشتغل أكيد هنشتغل، شفت كل أعماله أنا بتفرج على كل الزملاء، وهو مخرج شاطر ده شيء مفيش فيه جدال.
أعمال غادة عبد الرازق ومحمد سامي
وكانت حققت الفنانة غادة عبد الرازق، نجاحًا كبيرًا في مسلسلي مع سبق الإصرار، وحكاية حياة، والذي تعاونت خلالهما مع المخرج محمد سامي.
غادة عبد الرازق: قررت العزلة من 5 سنين
وعلى جانب آخر، سبق وتحدثت غادة عبد الرازق، عن قرار العزلة، واكتفائها بـ تقديم أعمال فنية وقضاء وقت مع عائلتها، معلقة: قررت العزلة من 5 سنين، ووقفت وقفة مع نفسي من سنتين، بعد ما اتأذيت فنيًا وشخصيًا، قلت هركز مع بنتي أحفادي وشغلي بس.
أما عن ارتدائها ثوب القوة بين عائلتها وجمهورها، قالت غادة عبد الرازق: بنهار وبقفل باب الأوضة لما بعيط، ومحدش هيتخيل شكلي لما يشوفني، بوصل ساعات إني مبعرفش أتنفس، وعائلتي لو شافوني ههزهم.. مقدرش أكسرهم، اتربّوا وكبروا على قوة غادة.
وواصلت: الشهرة خدت مني البراءة، قبل كده كنت بتخانق مع أختي وقالتلي أنا زعلانة إن المجال ده خلاكي كده وسابتني ومشيت.
