لو فتاة متضررة من أهلها ليه ما ينفعش تستقل خوفا من كلام الناس؟.. علي جمعة يوضح
رد الدكتور علي جمعة، مفتي الجمهورية الأسبق وعضو هيئة كبار العلماء على سؤال ورد إليه من إحدى الفتيات نصه: لو واحدة متضررة من أهلها ليه ما ينفعش تستقل خوفا من كلام الناس؟.
لو فتاة متضررة من أهلها ليه ما ينفعش تستقل خوفا من كلام الناس؟
وقال علي جمعة خلال برنامجه الرمضاني نور الدين والشباب: أنا عايز أذكر ببعض كلام سيدنا صلى الله عليه وسلم في المقام ده: إن الله لا ينظر إلى أجسادكم ولا إلى أشكالكم ولكن ينظر إلى قلوبكم، فالحكم بالشكل ده مرفوض في الدين بتاعنا وفي التقاليد وفي العادات وفي كل حاجة.
وتابع: وحكاية أحكام الناس دي ممنوع عندنا في دين الله تماما وقضية تالتة: ولا تزر وازرة وزر أخرى، وقضية رابعة: كُلَّ إِنسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا؟
وواصل: كل الديانة مبنية على المسؤولية الفردية والمسؤولية الفردية تبدأ مع الكبر، والكبر عندنا كان في الفقه الإسلامي عبر القرون عند البلوغ، لكن دلوقتي خلوه 18 سنة فحركوه كده سنتين تلاتة وما فيش مانع لكن احنا بنحط أسس للتصرف الصح صح والغلط غلط وهناك فارق بين الصحيح والقبيح.
