أزمة جديدة.. شقيق ناصر البرنس يستغيث: لسه بنام في الشارع أمام محله الجديد وأمي كتبت كل حاجة باسمه عشان الكبير
تصدر اسم ناصر البرنس صاحب سلسلة محلات شهيرة، فى أزمة جديدة مع شقيقه ماجد، وذلك بعد خلافاتهما الأخيرة وإشعال الأخير النار بنفسه.
وقال ماجد شقيق ناصر البرنس فى تصريح خاص لـ القاهرة 24 إن شقيقه ادعى الإنفاق عليا وهيخدني شقته والصلح بيننا على خلاف الحقيقه معلقا: قال إنه هيخدني أعيش معاه ودا كان كلام كذب حتي الآن أنا بنام كل يوم فى الشارع أمام المحل بتاعه الجديد بمنطقة الشيخ زايد.
وأضاف شقيق ناصر البرنس: مبيصرفش عليا ومش زي ماقال إنه بيديني 5 آلاف جنيه وأنا عليا أحكام بـ 4 سنين حبس بسبب شيكات.
وتابع: ناصر لما شاف التريند بتاعي إني ولعت في نفسي جالي المستشفى وعمل فيلم وصور، ومفيش واحد يولع في نفسه عشن أخوه معزموش على فرعه الجديد الكلام دا مش صح.
كما تابع شقيق ناصر البرنس أن شقيقه دمر حياته بحسب ادعائه وحتي الآن بنام فى الشارع قائلا: هو ديما يتهمني إني طمعان فيه، والخير الـ هو فيه دا من أمي وكتبت كل حاجة باسمه عشان هو الابن الأكبر وغدر بالناس كلها، وأنا من وقت الأزمة بتاعتي وأنا في الشارع ومخدنيش معاه البيت وبيديني فرصة تانية زي ماصرح فى وقت سابق.
وأشار: كان فيه ناس بتحاول تتدخل الفترة الـ فاتت وحاولت تتكلم معاه عشان يديني حقي ويرجعلي الفلوس الـ خسرتها لكن محصلش وأنا كل يوم بنام أمام فرعه الجديد بالشيخ زايد.
