بشرى: معنديش مانع أتجوز للمرة الرابعة.. وأنا مش ضد الزواج العرفي
تحدثت الفنانة بشرى عن كواليس حياتها العاطفية ورؤيتها للزواج، كما كشفت عن تفاصيل علاقتها السابقة وموقفها من بعض المفاهيم المرتبطة بالارتباط.
بشرى: أنا مش ضد الزواج العرفي
وقالت بشرى خلال تصريحات تليفزيونية: لو رجع بيا الزمن أتجوز خالد حميدة؟ آه، لأني حبيته، وده أكتر جوازة قلبي اشتغل فيها أكتر من عقلي.
وأضافت أنها لم تعد تشعر بنفس المشاعر حاليًا، موضحة: مبقتش بحبه دلوقتي، واللي خلاني أبطل أحبه إن مفيش تواصل، وهو أصلًا مسافر أغلب الوقت ومش موجود، فمش هعيش لوحدي ومش همثل الجوازة يعني.
وأردفت: على فكرة أنا معنديش مانع اتجوز للمرة الرابعة، واتعرض عليا الجواز قريب بس لقيت الوضع مش مناسب ليا.
وفي سياق متصل، تطرقت بشرى للحديث عن فكرة الزواج العرفي، قائلة: أنا مش مضطرة أتجوز عرفي، ولكن مش ضده، لأن الجواز في أساسه عرفيًا، لكن التوسعات بتاعت المجتمع هي السبب لأن لازم يكون في نسب وكده.
آخر أعمال بشرى
وعلى جانب أعمال بشرى، يذكر أنها شاركت في موسم رمضان الماضي 2025 من خلال مسلسل سيد الناس، بطولة كل من الفنان عمرو سعد، أحمد رزق، إلهام شاهين، منة فضالي، أحمد زاهر، إنجي المقدم، خالد الصاوي، وآخرين، والعمل من إخراج محمد سامي.
كما شاركت كضيفة شرف في مسلسل عقبال عندكوا، بطولة الفنان حسن الرداد، إيمي سمير غانم، محمد ثروت، إنعام سالوسة، سليمان عيد، علاء مرسي، وآخرين، والعمل من إخراج علاء إسماعيل.
