مسلم: مجال كله حقد ومؤامرات ربنا يحمينا.. مشوفتش منهم غير مرض
وجّه مطرب المهرجانات مسلم رسالة قوية عبر حسابه الرسمي على موقع إنستجرام، عبّر فيها عن استيائه من أجواء الوسط الفني وما يحيط به من تصرفات وصفها بغير الصادقة.
وكتب مسلم: مجال ماشوفتش فيه حد سالك، وكله بيصفر على كله، أنا بعيد أوي عن الناس دي بجد مشوفتش منهم غير مرض وحقد وضحكك في الوش وبنحبك، وفي الضهر كلام ومؤامرات، علينا ربنا يحمينا منهم بجد.
مسلم: كسبت قضيتي ضد المنتج اللي كان ماسك شغلي
وفي وقت سابق كشف مطرب المهرجانات مسلم عن حل أزمته مع أحد المنتجين، والتي وصلت إلى حد رفع قضايا بين الطرفين، والتي أدت بدورها إلى إيقاف المنتج لمدة 5 سنوات عن العمل.
مسلم: أزمتي مع المنتج اللي كان ماسك شغلي انتهت
وقال مسلم في فيديو عبر حسابه الرسمي على إنستجرام: كنت نادر أدبح عجلين على الخبر ده، بعد معاناة 5 سنين مع المنتج اللي ماسك شغلي حبيت أقول أنا كسبت القضية باحترام ومبقتش مع منتج أنا بقيت لوحدي وكلها أسبوع وهنزل شغل.
وأضاف: كنت حاسس إن ربنا هيراضيني ويكرمني، وبطمن كل اللي بيكرهوني إني هنتج لنفسي وههتم بشغلي واحنا أنهينا الموضوع باحترام.
وعلى صعيد آخر، كانت أصدرت جهات التحقيق قرارًا بالحجز على حسابات مطرب المهرجانات مسلم، بسبب اتهامه بسرقة لحن أغنية لسه فيكوا نفس تقاوحوا من الشاعر محمود عمارة، دون الحصول على إذن من صاحب الحقوق الأصلية.
