علي جمعة: السوشيال ميديا سلاح ذو حدين.. عايزين نستفيد من خيره ونتقي شره
قال الدكتور علي جمعة، عضو هيئة كبار العلماء بالأزهر الشريف، إن السوشيال ميديا سلاح ذو حدين، مضيفًا: عايزين نستفيد من خيره ونتقي شره.
علي جمعة: السوشيال ميديا سلاح ذو حدين
وأضاف علي جمعة خلال برنامجه نور الدين والشباب: من 1830 إلى 1930 اخترع الإنسان واكتشف في مجال الاتصالات والمواصلات والتقنيات الحديثة الشيء الكثير، مضيفًا: بعد 1930 انتهى تماما ما كان من حياة قبل 1830، يعني الفترة الذهبية للاختراعات كانت ما بين عامي 1830 و1930، فبعد أن كان السفر من القاهرة للإسكندرية يستغرق أسبوعًا، أصبح يستغرق ساعتين فقط بفضل القطار.
وتابع: تغير البرنامج وتغيرت معه علاقات الناس، وكما يقول دارس الحضارات لم يعد الإنسان يعيش أمسه في يومه ولا يومه في غده بقى كل يوم بيتغير، مضيفًا: من 1930 إلى 2030 والتي يتبقى عليها أربع سنوات معملناش حاجة، لم يخترع الإنسان شيئا جديد وإنما ركب ما اخترع، فمثلا معانا التليفون بقى محمول ما بقاش بالمنفلة بتاعت زمان وحطوا فيه كاميرا اللي اخترعوها 1821 وحطوا فيه فيديو فممكن نصور فيديو بنفس الموبايل وحطوا فيه بطارية ينور بيها وحط فيه مسجل ريكورد، يعني ده كله بقا في جيبي ونزلوا عليه أبلكيشنز بتعمل وبتسوي وبتقييس السكر.
وواصل: كل الحاجات دي كانت موجودة ولكن في المئة سنة من ألف وتسعمائة وثلاثين لألفين وثلاثين جمعناهم مع بعض لغاية ما دخلت السوشيال ميديا.. والسوشيال ميديا غيرت حياة الناس.
