مصطفى كامل: مطرب عرض عليا رشوة 2.5 مليون جنيه عشان ألغي شطبه من نقابة الموسيقيين
كشف الفنان مصطفى كامل، كواليس عرض رشوة عليه من قِبل أحد المطربين، وذلك لإلغاء قرار شطبه من نقابة المهن الموسيقية، الذي صدر ضده، كما تحدث عن أزمته مع الرابر ويجز.
وقال مصطفى كامل خلال تصريحات تليفزيونية: اتعرض عليا رشوة 2.5 مليون جنيه، فيه فنان ما كان عنده أزمة ومتقدم فيه شكاوي كتير، وأنا معرفش إن فيه 2 أعضاء مجلس مضوا على الولد ده إنه يتشطب، وجه واحد حبيبي قالي هتاخد 50 ألف دولار مقابل إلغاء الشطب، ولقيت 2 من عندي عاملين مؤامرة وماضيين عليها وقلتلهم إزاي، وأنا كمان اتعرض عليا رشوة عشان ألغي القرار اللي انتوا عملتوه ده، ولحد دلوقتي معرفش إزاي الورقة دي اتعملت، وسهل الرشوة في نقابة المهن الموسيقية.
كما تحدث مصطفى كامل عن أزمة ويجز، خلال حديثه مسبقًا عن إيقافه عن العمل إذا أحيا حفل كأس العالم في قطر بدون الحصول على تصريح من نقابة المهن الموسيقية، مشيرًا إلى أنه في ذلك الوقت كان مختلفًا مع الفن الذي يقدمه، ولكن حاليا تقبله لأن ذلك نوع يسمعه الكثيرون، قائلًا: ويجز شخص جميل ومحترم.
