الشهرة أسوأ حاجة في الدنيا.. أول تعليق من زوجة عصام صاصا بعد التعدي عليها بالسب والقذف في طوخ
كشفت جهاد ماهر زوجة مطرب المهرجانات عصام صاصا، تفاصيل مشاجرتها مع أشخاص والتعدي عليها بالسب والقذف في طوخ.
أول تعليق من جهاد زوجة عصام صاصا بعد واقعة التعدي عليها بالسب والقذف
وقالت زوجة عصام صاصا في استوري عبر موقع التواصل الاجتماعي إنستجرام: بجد إحنا في زمن تندم فيه على أي حاجة، وحرفيا الشهرة دي أسوأ حاجة ممكن تحصل لحد في الزمن ده، وإنك تبقى متربي على أصول وحاجة معينة مش عارف تغيرها، دي أسوأ من الشهرة نفسها، أنا مش عارفة الواحد يعمل إيه علشان يعيش طبيعي زي أي حد.
وأضافت: سيبت الميديا علشان الناس تسيبني في حالي وبرده مفيش فايدة، كمية غل وجهل هتفضل ورايا مع إن أي حد من اللي بيغلطوا لو في نفس الموقف ومعاه أهله هيعمل أكتر من كده.
وتابعت جهاد: مفيش حاجه اسمها دي ضريبة الشهرة عشان أنا عادي وأنا تعبانة أستحمل الناس تتلم عليا وأقف أتصور وأبقى فرحانة ومبسوطة بفرحة الناس بيا، وأنا أشيل أي حد محترم فوق دماغي ولكن ضريبة الشهرة مبتقولش أستحمل واحد بلطجي مش في وعيه تقريبا، وربنا يسامحني لو ظلماه، وهو يفضل ماشي ورايا شارع كامل يفضل يغلط فيا وأنا برده أكبر دماغي وأقول خلاص هيسكت لما مردش وبرده ميسكتش، ولما أقف أتكلم معاه يفتحلي -كتر- ويشتمني، وأنا باصة في عينه، لا معلش بقى أنا كرامتي متستحملش ده، أنا الحمد لله متربية على إيد رجالة واللي ربنا كتبهولي هو اللي هيحصل ليا في أي وقت.
وأضافت: كان الطبيعي أرد عليه بنفس قلة أدبه وأعرفه إني مش خايفة منه لأن عندنا حكومة في بلدنا بتجيب حق أي حد تم التعدي عليه، إنتوا بقى شوفتوا رد فعلي قلة أدب وغلطتوا فيا زي ما هو عمل بدل ما تلوموا علي البلطجي، وإن عيب شاب يتعدى على بنت في العموم مش عشان أنا زفتة علشان عيب أصلا يحصل ده.
وتصالحت جهاد زوجة مطرب المهرجانات عصام صاصا، مع آخرين، أمام جهات التحقيق بطوخ، وذلك بعد اتهامهم بالتعدي عليها بالسب والقذف وتعمدهم إزعاجها.
زوجة عصام صاصا
وحررت جهاد ماهر زوجة مطرب المهرجانات عصام صاصا، محضرًا اتهمت خلاله عددا من الأشخاص بالتعدي عليها بالسب والقذف ومضايقتها خلال مرورها في الشارع بسيارتها.
وتعود تفاصيل الواقعة حينما تداول مستخدمو مواقع فيسبوك، مقطع فيديو تظهر خلاله زوجة عصام صاصا في حالة غضب، إثر مشادة مع آخرين حال استقلالها سيارتها، وتطورت المشادة إلى تراشق بالألفاظ الخارجة.
