رامز جلال عن ياسر إبراهيم: سردباك لئيم محتاج تقويم
استضاف رامز جلال، ياسر إبراهيم لاعب الفريق الأول لكرة القدم بالنادي الأهلي، خلال حلقة اليوم في برنامج رامز ليفل الوحش، والذي يستضيف نجوم الفن والرياضة خلال شهر رمضان الكريم.
تصريحات رامز جلال عن ياسر إبراهيم
وقال رامز جلال في افتتاحية حلقة ياسر إبراهيم: الأهلي في دمائي دائي ودوائي نفسي وهوائي وأي حد هييجي عليه بالتأكيد هيشوف غبائي، ولو حصل مشكلة في أوضة اللبس يشاوروا بس ويسيبوا عليا الباقي.
وأضاف رامز جلال: معانا ثيرد باك قوي وفتاك مفسد للكونتر أتاك ومقاوم للخصوم وبيعملهم ارتباك.. في الكرات العالية قادر على الاشتباك ولو اتطلب منه يهاجم يسجل في الشباك.
وتابع رامز جلال: لكن للأسف في الفترة الأخيرة أخطاؤه بقت كبيرة.. يرضيكم زميله ياخد رجل المباراة يعمل خناقة ويضرب بوز وتكشيرة.. الموضوع فرط وكبر مبقاش ينفع معاه سكات علشان كده قررت ما هو آت، هنقصقص له الجناحات ونفكره بالقواعد والأساسيات.
واختتم رامز جلال تقديمة الحلقة: معانا ومعاكم السردباك اللئيم اللي محتاج تقويم اللي هنطلع عليه الجديد والقديم، معانا ومعاكم ياسر إبراهيم.
ويستضيف رامز جلال نجوما مميزة خلال حلقة برنامج المقالب رامز ليفل الوحش، حيث جاء أبرزهم أحمد مصطفى زيزو ومروان عطية وماجد المصري وحمو بيكا وغادة عبد الرازق ورحمة محسن وأسماء جلال.
