مكلتش لحمة من سنة.. حياة كريمة تساعد بائع فاكهة متجول بمبلغ مالي
وثّق مقطع فيديو نشرته مؤسسة حياة كريمة، لحظات مؤثرة لبائع فاكهة متجول يعيش ظروفًا اجتماعية ومادية صعبة، وعدم قدرته على سداد مصروفات مدارس أولاده.
حياة كريمة تساعد مسنًا بمبلغ مالي
وخلال الفيديو، ظهر المسن يروي تفاصيل مأساوية عن حياته وظروف عمله قائلًا: أنا بشتغل بائع فاكهه في الشارع وربنا بيرزقني والحمد لله على كل حال، النهاردة بعت بـ 150 جنيه وربنا مش بينسى حد خالص.
وواصل: وعليا مصروفات مدارس لأولادي 3000 جنيه مش عارف أدفعهم لحد دلوقتي لأن مش معايا فلوس ده غير ديون من جيراني وفلوس استلفتها منهم، أنا بقالي سنة مكلتش لحمة ولا وقفت قدام محل جزارة بس الحمد لله على كل حال.
وأضاف: الفلوس اللي جاتلي دي ولادي هيفرحوا بيها أوي لأنها هتفك كربنا وهتخلينا نعيش مستورين الحمد لله
وقدم برنامج حياة كريمة للرجل مبلغًا ماليًا لمساعدته، ووثق المقطع الحالة في إطار جهود مؤسسة حياة كريمة للوصول إلى غير القادرين، وتقديم الدعم اللازم لهم من خلال مساعدات مالية.
وأثار الفيديو تفاعلًا واسعًا عبر مواقع التواصل الاجتماعي، حيث عبّر مستخدمو المنصات عن تعاطفهم مع الرجل وعائلته، مطالبين بسرعة التدخل لمساندته وتوفير حياة كريمة له، في الوقت الذي شارك فيه آخرون بتعليقات نحو أهمية تكاتف الجهات المعنية.
