بعاتبه على التأخير فدهسني.. فتاة تتهم سائق شركة توصيل شهيرة بإصابتها في العجوزة
اتهمت إحدى الفتيات سائق شركة توصيل شهيرة بدهسها، والتسبب في إصابتها بمحيط منطقة العجوزة بالجيزة، بسبب خلافات بينهما على الأجرة ومدة الرحلة.
فتاة تتهم سائق شركة توصيل شهيرة بإصابتها في العجوزة
وادعت الفتاة في تصريحات لـ القاهرة 24: اللي حصل إن والدتي طبيبة وبتشتغل في أحد المستشفيات، في السيدة زينب وكانت بتحضر فطار مع أصحابها وطلبت لها عربية توصلها لحد البيت في المهندسين، وبعدين لاحظت إن السواق بيمشي عكس اتجاه خريطة الابليكشن ودخلها من أماكن مقطوعة وطرق مظلمة وطبعا لف بيها كتير ووصلت البيت متأخر.
وزعمت: لما وصلت.. نزلت واتخانقت معاه إنه لف بيها كتير وبهدلها عشان يزود تمن الرحلة فراح قفل عليها العربية، ورحت وقفت قدام العربية عشان ميتحركش فاتحرك وزقني بالعربية مسافة 30 متر.
وأشارت الفتاة إلى أنها تعرضت للإصابة في مواضع مختلفة جراء الدهس، ما دعاها لتحرير محضر بقسم شرطة العجوزة، مطالبة بضرورة القبض على السائق المتهم.
