عمرو محمود ياسين عن جدل تغيير نهاية مسلسل وننسى اللي كان: مجرد هبد لأن كل حاجة مكتوبة من البداية
كشف عمرو محمد ياسين عن حقيقة تغيير نهاية مسلسل وننسى اللي كان، بطولة ياسمين عبدالعزيز والذي عرض في موسم رمضان 2026 من خلال بوست على حسابه الخاص فيسبوك قائلًا: هبدة كل سنة يقولك النهاية اتغيرت أولًا مفيش مره بدخل فيها أي عمل وببقى مش محدد النهاية ايه كإطار عام، عشان ده أكتر شيء بيسهل رحلة الكتابة، لأني عاوز أوصل لنقطة بعينها، لأن عندي هدف.
عمرو محمود ياسين يرد لأول مرة عن جدل تغيير نهاية مسلسل ياسمين عبد العزيز
وأضاف: سيكونس مشاهد الـ MMA اللي قبل مشهد النهاية ده معروف ومتحدد من زمان لأن الأمور دي عايزة تجهيز، يعني لازم نعمل معاينة ونحجز مكان ونجهز ديكور وإضاءة ونحجز مجاميع ويتعمل أوردر، ولسه كل ده مابتدناش التصوير اللي بياخد يوم كامل ع أقل تقدير.
واستكمل قائلًا: وأنتم أكيد شفتوا الكواليتي اللي متقدم في المشاهد دي وده كواليتي مينفعش يبقى ألو صباح الخير ماتيجوا نعمل مشاهد ضرب للركب التصوير مش موضوع سهل ده معقد جدا ومليء بمئات التفاصيل وخصوصا لو أكشن.
وأردف: ده غير أن البطولة اللي بيخوضها بدر السباعي واللي أهلته لبطولات أهم كما ظهر في الفوتومونتاج، الذي تلى البطولة كانت ضرورية لتأمين نهاية سعيدة لأن مش معقول أن جليلة وبدر يقدروا يعيشوا حياة سوية في ظل وجود فجوة كبيرة بينهم، يعني كان ضرورة درامية محددة عندي من البداية بما إني من البداية أيضًا مستهدف النهاية السعيدة.. فالموضوع متفق عليه من بدري جدا ومعروف للجميع حتى الأغنية كانت متحددة ومتفق عليها من بدري.
