سوسن بدر: الحزن والألم رفاهية لا نملكها وقت تصوير الأعمال الفنية
تحدثت الفنانة سوسن بدر، عن استكمالها تصوير مسلسل الست موناليزا، بطولة الفنانة مي عمر، والذي عُرض في النصف الأول من موسم رمضان 2026، رغم خضوعها لعملية جراحية إثر تعرضها لكسر في الفخذ، بجانب حديثها عن مي عمر وفقدانها لوالدها خلال تصوير العمل.
سوسن بدر: الحزن والألم رفاهية لا نملكها وقت تصوير الأعمال الفنية
وقالت سوسن بدر، في تصريحات تليفزيونية: أنا ملتزمة بـ عمل بأني أعرض فيه من أول رمضان، وفي شركة إنتاج هتتحمل مسؤولية مش بتاعتها وفي بيوت مفتوحة، والناس اللي مرتبطة بهذا العمل ده شغله وأكل عيشه وهيأكل عياله منه.
وأضافت سوسن بدر: في فترة تصوير العمل بيبقى الحزن والألم رفاهية لا نملكها، طالما قادرة أتنفس لازم أنزل أحاول على قد ما أقدر أني مبقاش سبب في عرقلة تعطيل العمل ولا الناس بيوتها متتفتحش، والحمد لله ربنا قدرني ونزلت قبل الميعاد اللي كان المفروض أتعافى، ولكن كمان النا ساعدتني حواليا وسؤال الناس، وتغيير بعض الحاجات اللي اتغيرت علشان أشتغل وأنا قاعدة، واتعلمنا من أساتذتنا طول ما بنتنفس مينفعش نتدلع.
أما عن فقدان الفنانة مي عمر، لـ والدها خلال تصوير مسلسل الست موناليزا، واستكمالها تصوير العمل فعلقت سوسن بدر: مي عمر خدت إجازة نص يوم بعد وفاة والدها، وبشوف أنها حاجة مؤلمة جدًا أنها تنزل وتضحك وتمثل وتشيل مسؤولية أنها تختم مسلسلها علشان يبقى بنفس قوة البداية قلبي بيوجعني عليها.
