نجلاء بدر: دوري في اللون الأزرق خضني وماكنتش عايزة أفشل فيه.. وعملت معايشة مع مُصابين بالتوحد
تحدثت الفنانة نجلاء بدر، عن مشاركتها في مسلسل اللون الأزرق، الذي عٌرض في السباق الرمضاني الماضي 2026، وتناول معاناة الأهالي مع أطفالهم المصابين بالتوحد، موضحة أنها خلال تحضيرات العمل قابلت العديد من المصابين بالتوحد حتى تستطيع فهمهم وتقديم شخصية دكتورة فريدة على أكمل وجه.
وقالت نجلاء بدر، في ندوة تكريم أسرة مسلسل اللون الأزرق، في القاهرة 24: عمري ما شفت طفل عنده توحد، وممكن أكون صادفت ومكنتش أعرف أنه مٌصاب، وكان نفسي أشوف أطفال عندها توحد ورحت أماكن متخصصة للتخاطب وقابلت مراحل عمرية مختلفة علشان أفهم العالم ده عامل إزاي، وكنت بتفرج على دكاترة علشان أشوف بيتعاملوا إزاي، وخدت وقت علشان أعرف أتأقلم مع العالم ده.
وأضافت نجلاء بدر: كنت مخضوضة من الشخصية في البداية لأن معدتش عليا قبل كده ومش عايزة أعمله وحش ومش عايزة أفشل فيه ومش عايزة الدكاترة تقول لأ إحنا مبنعملش كده ومبنتكلمش كده، حتى مستوى طبقة الصوت هنلاقي الشخصية صوتها هادي أوي ولبسها كله ألوان هادية ولبسها مريح.
أبطال مسلسل اللون الأزرق
مسلسل اللون الأزرق من بطولة العمل جومانا مراد، أحمد رزق، نجلاء بدر، أحمد بدير، كمال أبو رية، ورشا مهدى وحنان سليمان، يارا قاسم، كنزي هلال، نور محمود والطفل علي، إلى جانب عدد من الفنانين، وإنتاج الباتروس، ومن تأليف مريم نعوم، وإخراج سعد هنداوي.
