غدًا.. استكمال محاكمة المتهم بالتحرش بفتاة الأتوبيس في المعادي
تستكمل المحكمة المختصة، غدًا الثلاثاء، جلسة محاكمة المتهم بـ التحرش بفتاة تدعى م. ش، داخل إحدى مواصلات النقل العام.
محاكمة المتهم بالتحرش بفتاة الأتوبيس بالمعادي
وكشفت التحقيقات في واقعة أتوبيس المعادي، تفاصيل الاتهام المتبادل بين الطرفين، حيث استمعت جهات التحقيق لأقوال المتهم في القضية رقم 2014 لسنة 2026 جنح قسم المقطم، بشأن الواقعة التي أثارت جدلًا واسعًا عقب تداول مقطع فيديو لها على مواقع التواصل الاجتماعي.
وحصل القاهرة 24 على نص أقوال المتهم في واقعة أتوبيس المعادي، والتي كشفت عن تفاصيل مع دار بينه وبين الفتاة وسبب الخلاف بينهما في القضية.
وجاءت أقوال المتهم في واقعة أتوبيس المعادي أمام جهات التحقيق بسؤاله ما معلومات بشأن الواقعة محل التحقيق كالآتي: اللي حصل إن أنا حداد شغال في الأتوبيس الترددي عند كمبوند البارون وكنت راكب أتوبيس النقل العام علشان كنت مروح البيت، وفجأة لقيت واحدة في قلب الأتوبيس بتقول بأعلى صوتها حرامي متحرش، فأنا فضلت واقف مكاني مصدوم من اللي بتقوله، ولقيت الناس اللي كانوا راكبين الأتوبيس بيدافعوا عني، وكنت واقف مش عارف اللي هي بتقوله ده، لحد ما لقيتها مرة واحدة طلعت من جيبها تليفون، وبقت تصورني، فأنا لفيت ضهري علشان مش عايزها تصورني، ولقيتها مصممة إنها تصور، فأنا رجعت ورا الأتوبيس، وفضلت عمالة تزعق، والناس قالتلي: إحنا شايفين كل حاجة، وكانت عمالة بتقول: وديني لأحبسك وأفضحك.
وأضاف المتهم: بعدها لقيت واحد من الركاب كان ماسك سبحة، قالها: انتي تعرفي إيه عن الدين؟ الدين بريء منك ومن أمثالك، وروحت ناحيتها علشان أنزل التليفون اللي هي مسكاه، لاقتها بعدت التليفون بتاعها وراحت عند أول الأوتوبيس، والناس حوطت عليا.
