جومانا مراد: سعيدة بالتعاون مع مريم نعوم في مسلسل اللون الأزرق.. وسعد هنداوي مخرج هادي
تحدثت الفنانة جومانا مراد، عن تعاونها مع المؤلفة مريم نعوم، والمخرج سعد هنداوي، في مسلسل اللون الأزرق، الذي قدمته في السباق الرمضاني الماضي 2026، وحقق نجاحًا كبيرًا منذ عرض أولى حلقاته.
وقالت جومانا مراد، في ندوة تكريم أسرة مسلسل اللون الأزرق، بالقاهرة 24: مريم نعوم دايمًا بتختار قضايا مهمة، وكلنا أول مرة نشتغل معاها وبصراحة سعيدين بالتجربة دي، وسعد هنداوي كنت محظوظة بيه أوي واستمتعت بالشغل معاه، هو حد نفسه هادي وبيسمع الممثل.
جومانا مراد تتحدث عن تجربة مسلسل اللون الأزرق
وكانت تحدثت جومانا مراد، عن تجربةمسلسل اللون الأزرق، قائلة: تحمست للفكرة لأن المنافسة قوية في رمضان وكنت حابة نعمل حاجة مختلفة لأن التوحد قضية مهمة، واللي عجبني أننا مش متناولين القضية بشكل طبي بحت، لأن إحنا بنتكلم عن رحلة العائلة مع طفل عنده توحد والصعوبات اللي بيواجهوها مع المجتمع والأهل.
وأضافت جومانا مراد: أعتقد أننا ألقينا الضوء على معاناة الأسر دي لأنهم بيعانوا كتير وأعتقد أن اللي إحنا عملناه جزء بسيط من معاناة الناس دي، والعمل ده بمثابة دعم ليهم وبنقولهم إحنا حاسين بيكم.
أبطال مسلسل اللون الأزرق
مسلسل اللون الأزرق من بطولة جومانا مراد، أحمد رزق، نجلاء بدر، أحمد بدير، كمال أبو رية، ورشا مهدى وحنان سليمان، يارا قاسم، كنزي هلال، نور محمود والطفل علي، إلى جانب عدد من الفنانين، وإنتاج الباتروس، ومن تأليف مريم نعوم، وإخراج سعد هنداوي.
