ياسمين أحمد كامل عن تعاونها مع محمد فراج في أب ولكن: من أساسيات الفن ومفيش حد في جيله ينافسه

تحدثت المخرجة ياسمين أحمد كامل، عن كواليس تعاونها مع الفنان محمد فراج، في مسلسل أب ولكن، الذي عُرض في السباق الرمضاني 2026، موضحة أن فراج من أساسيات الفن المصري ولا يوجد من ينافسه في جيله على حد تعبيرها.

تصريحات المخرجة ياسمين أحمد كامل محمد فراج في أب ولكن

وقالت ياسمين أحمد كامل، في لقائها مع القاهرة 24: محمد فراج من الممثلين اللي بيعرف ياخد الكادر وعنده كاريزما مش طبيعية، ممثل تقيل ومفيش حد في جيله ينافسه ومفيش حد ينفع يتكلم على موهبة فراج، اللي يتكلم في كده هتشكي إن فيه حاجة غلط أو في حد وراه، فيه أساسيات في الفن مينفعش نيجي جنبها ومحمد فراج واحد منهم.

وأضافت ياسمين أحمد كامل: التحدي مع محمد فراج إنه كان يقدم بني آدم طبيعي، لأن هو دايمًا بيطلع بشخصية وشر وعصبية لأنه دايمًا بيحب الشخصيات، فالتحدي هنا إنه يقدم أب طبيعي بسيط نفسه يشوف بنته ومش عارف يرجع تاني في حياته، وبالعكس يمكن ده أصعب دور محمد فراج قدمه، لأن ده السهل الممتنع، علشان يعرف يظبطه وأنا بقول عمل كده إزاي، أنا بجد فيه حاجات هو بيعملها لو قعدت سنين أشرحها له مش هعرف أوصله الإحساس ده.

مسلسل أب ولكن

وشارك في بطولة مسلسل أب نخبة من أبرز الفنانين منهم محمد فراج، هاجر أحمد، سلوى عثمان، بسمة داود، ركين سعد، هايدي عبد الخالق، والعمل من تأليف وإخراج ياسمين أحمد كامل.