خُفنا على مستقبل بنت منهم.. أول تعليق من شقيقة صاحب واقعة ادعاء التحرش في حلوان بعد إخلاء سبيلهم| خاص
قررت جهات التحقيقات المختصة بالقاهرة، إخلاء سبيل الفتاة صاحبة واقعة ادعاء التحرش وأصدقائها، ونجل عمها، وذلك بعد انتهاء التحقيقات بتصالح الأطراف.
أول تعليق من أسرة صاحب واقعة ادعاء التحرش في حلوان بعد إخلاء سبيلهم
وقالت شقيقة صاحب واقعة ادعاء التحرش، في تصريحات خاصة لـ القاهرة 24: أخويا اتنازل عن المحضر عشان فيه بنت من أصدقاء الفتاة أهلها محترمين، وهي اللي ظهرت في الفيديو، كانت بتخبي وشها، وعشان خاطر أهلها أخويا اتنازل عشان البنت ماتتبهدلش، وده لأن أخلاقه عالية وتربيته معروفة قدام الناس كلها.
وتابعت: الناس كلها بتقول إننا تصالحنا مع عمنا، وده محصلش، إحنا تنازلنا فقط عشان خاطر البنت اللي ظهرت في الفيديو، لأنها ملهاش ذنب في كل اللي حصل، ولما لقينا أهلها قعدوا يدوروا عليها ومش لاقيينها وأهلها ناس محترمين وميعرفوش اللي حصل؛ قررنا التنازل عشان سنها الصغير واحتراما لأهلها مش أكتر.
وفي وقت سابق، تداول مستخدمو مواقع التواصل الاجتماعي فيديو، تضمن تضرر أحد الأشخاص من ابنة عمه، واتهمها بالادعاء كذبًا بالتحرش بها وتصويره بهاتفها المحمول؛ للتشهير به لوجود خلافات سابقة معها في القاهرة.
