يوسف الشريف: سيبت الكرة لما الأهلي سابني.. وممكن أقدم جزء ثانٍ من فيلم العالمي
تحدث الفنان يوسف الشريف، عن فيلمه الشهير العالمي، موضحًا أن نادي فالنسيا الإسباني، دعاه لتقديم جزء ثاني من العمل، بجانب حديثه عن لعبه في ناشئين النادي الأهلي وتفاصيل تركه للنادي.
يوسف الشريف: سيبت الكرة لما الأهلي سابني.. وممكن أقدم جزء ثانٍ من فيلم العالمي
وقال يوسف الشريف، في لقائه بـ برنامج صاحبة السعادة: فيلم العالمي مهم جدًا لنادي فالنسيا، وهما حاسين أن الناس بتحب جدًا الفيلم ده وأصبح يوجد جمهور أكتر من الشرق الأوسط لـ النادي والدوري الإسباني، وحتى وقت قريب كانوا بيتكلموا أن ليه مايكنش فيه جزء تاني، وفي بداية الدوري الإسباني فالينسيا قالولي تعالى احضر مباراة ونفتكر الذكريات والأماكن اللي صورت فيها.
وأضاف يوسف الشريف: ممكن جدًا لو حسيت أني هقدر أقدم حاجة جديدة ليه لأ؟، أنا بحب الفيلم ده جدًا وبحب شخصية مالك والأجواء كلها كانت هايلة.
أما عن تفاصيل لعبه في النادي الأهلي، علق يوسف الشريف: كنت في ناشئين النادي الأهلي حتى 19 عاما، أنا سيبت الكرة لما النادي الأهلي سابني، الفترة دي اشتروا لاعبين كتير ولم أقيد، والفرقة كلها اتسرحت وساعتها حسيت أن العالم انتهى، وأنا راجع وقفت على الكوبري وقعدت أعيط.
واستكمل: فيلم العالمي كان عن التعامل مع لاعب الكرة كـ بشر، وفكرة أني كنت هعمل لاعب كرة بجد ومشوار صعوده عامل إزاي أنا في لحظات بالفيلم نسيت خالص أني بمثل، أنا عيشت التجربة وعلاقتي مستمرة بـ نادي فالنسيا حتى الآن.
